Alguén tivo  a brillante idea de darme a min, un rapaz de 19 anos, a responsabilidade de reservar as habitacións

A xente xa estaba tensa, xurando e pensando se fora reservar mal… Eu xa me viñera arriba, explicándolles que reservara un sitio moi barato no centro de Lugo, ao lado da estación. Estaba como unhas ‘castañuelas’, lucíndome da operación tan boa que fixera.

Ao final, resulta que… encargara para o mes seguinte. Choveume por todos os lados e chamáronme catrocentas. Tivo que ir Criss facer outra reserva para todos os que eramos, que eramos uns cantos. Saiunos por un ollo da cara.

O tema non acabou aí, coa boa bronca que me caeu e os vaciles. Uns días despois recibín unha chamada un pouco rara dun operador que me falaba dunha reserva que se ía cargar na miña conta. Eu dicíalle que non sei de que falaba. Que xa cancelara a miña reserva. A verdade é que a historia pegaba así que comecei a pensar se cancelara mal ou algo así.

Recibín unha chamada un pouco rara dun operador que me falaba dunha reserva que se ía cargar na miña conta

O operador dicíame: -«Si desea cancelar la reserva, diga cancelar reserva».

-«Cancelar reserva», a resposta estaba clara.

-«De acuerdo, se procederá a cargar en su cuenta 250 (200 e pico) euros».

-«Cancelar reserva», «Cancelar reserva».

O operador seguíame fastidiando… Era a clásica broma da máquina. Dinme conta tarde. Estábanme vacilando os meus compañeiros. Quedou unha gravación bastante graciosa e unha anécdota boa. Era digna de oír. Rulou bastante…

Jacob Maseda Veiga. Mediocentro do Viveiro, talento focego