Era venres. Tiñamos adestramento ás 19:00 horas, como era habitual. E sempre quedabamos un pouco antes para tomar algo. Ese día non foi menos.

Puxémonos a tomar unhas cañas (unhas detrás doutras) e cando nos demos de conta pasaba da hora para ir adestrar. Entón fomos e cando chegamos ao campo estaban esperando a que chegásemos nós.

O adestrador preguntounos o motivo da impuntualidade e dixemos que pincharamos nos Olmos. Pensamos que quedara aí a cousa e comezábamos co ‘entreno’ con normalidade. Pero o adestrador dividiunos en tres grupos, cada un dirixido por cada unha das que chegamos tarde.

Unha vez separadas foi a xunto de cada unha e preguntounos que roda pincharamos. Como non nos puxemos de acordo, cada unha dixo unha distinta. O castigo que tivemos foi ir convocadas contra o Obrero, xogando menos dun minuto cada unha.