Hoxe é un día triste. En especial para aqueles que estamos no mundo do fútbol. En primeiro lugar, queremos dar o noso máis sentido pésame a todos os amigos, familiares, coñecidos de Álex Blanco, así como a membros do CP Calasancio, polo repentino pasamento deste rapaz. Porén, xente como Álex e clubes como o monfortino son algúns dos partícipes que fan posible o gran nivel e a paixón que desperta o fútbol lucense. Alí onde esteas, este -e todos os que formamos parte del- estará sempre contigo. Descansa en paz.

Nunha xornada na que o deportivo pasa a un plano totalmente secundario, os movementos nas oficinas continúan a ser abundantes. Na Preferente Norte, o lucense Diego Rego renovou como xogador de As Pontes. O CD Foz comeza a preparar a súa andaina na competición coas fichaxes de Xenxo (procedente do Viveiro) e Javi Fernández (que ven de rematar a súa etapa como xuvenil no Racing Villalbés). Asier, un pilar do equipo mariñano que chegou a estar na órbita do Lorca, recén descendido a Segunda División «B», anunciou a súa renovación, ao igual que o oitenta por cento do cadro de xogadores do Martínez Otero, segundo publicou o clube no seu Facebook.

Xa na Primeira Galicia, César abandona o Atlético Escairón para xogar na Peroxa, mentres que o porteiro Diego López -ata agora no Riotorto-, deixa o clube por motivos de traballo. Asemade, o mediocentro Brais abandona o Riotorto para integrarse no Lugo Sala, de fútbol sala. O Burela incorpora ás súas filas a Carlitos (ex-xogador do Burela FS) e a Dani Cao (con pasado no CD Foz).

O Club Lemos presentou as pretemporadas dos seus equipos «A» e «B», que comezarán o 26 de xullo e o 6 de agosto, respectivamente. O equipo sénior confirmou un total de cinco amistosos: 1 de agosto ante Agolada, 5 de agosto ante Barbadás, 11 de agosto frente a SD Monterroso, 15 de agosto ante CD Barco, 26 de agosto ante o Brollón, ademáis dun triangular de presentación o día 19 ante Sarriana e Velle na Pinguela.

Pola súa banda, o filial do Cabe confirmou catro amistosos: o 12 de agosto ante o SD Monterroso «B», 16 de agosto ante Chantada «B», 25 de agosto ante Incio e 1 de setembro frente ao Ferreira. Igualmente terá lugar un triangular de presentación na Pinguela o 19 de agosto ante Brollón e outro equipo aínda sen confirmar.

Pasando á Segunda Autonómica,  Cabanelas continuará como adestrador do AD Bóveda, ao igual que Chura anunciou a súa renovación co Brollón. Outro preparador que renova co seu clube é Israel Cruz, do Mondoñedo FC. Por último, o Iberia CF presentou a fichaxe de Carlos Gómez, «Perancho», procedente da SD Ribadeo.  En canto á Terceira Autonómica, o Catro Roldas incorpora a «Chuchi», quen ven de xogar no Cazás.

Tamén chegan novas procedentes da Marosa no que ao fútbol feminino respecta. Jesús Rial, ex-adestrador da SCD Milagros «B» feminino, será o técnico do equipo feminino que creará o conxunto verde de cara á próxima campaña.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.