Hoxe espertámonos con un bo feixe de novidades, unha vez publicado o Diario dun mercado de onte á noite. Non nos dades un respiro!
E dentro desas noticias, saltou a bomba en Cerdeiriños. O Monterroso comunicaba o adeus de Josito Jul na súa segunda etapa pola Ulloa. E Futbolinlugo xa pode anunciar quen vai ser o seu substituto: Fernandito. O técnico monterrosino faise cargo de varios dos seus excompañeiros anos atrás, despois de conseguir sendos ascensos a Preferente con Portomarín e Pol. Ademais, un ex do Monterroso prolonga o seu vínculo co Castro. Non é outro que o meta Chipi.
Seguimos falando de gardamallas. O Santaballés completa a renovación da súa portería coa continuidade de Hermida. O meta vilalbés vivirá a súa segunda tempada na Liga, a primeira en idade sénior.
Na Segunda Galicia, o Brollón fichou a Mario ‘Take’. Así mesmo renovou a Pablo Tourón pero perde a Hugo. Darwin mantense no Incio. Vivirá a terceira campaña no cadro amarelo.
No grupo Norte, o trabadense Miguel Yanes segue unha campaña máis no Celta Barreiros. Ao igual que fan Pedro e Fran no Xermade. Os veciños de Cabreiros tamén contan con novidades: Sergio Hermida e Sergio Díaz renovan no cadro de Isaac Rouco. Un Cabreiros que incorpora a Álex Ramos ‘Wasi’, procedente do Roupar. Tamén chega a A Cea o central Alex Riobó procedente do CD Rosalía, equipo de Valdoviño co que competiu na Segunda Galicia de Ferrolterra.
Pola súa parte, o Guitiriz renova a Sergio Díaz, que cumplirá a segunda temporada no club. Jordi tamén continúa. Antes de pechar o noso fútbol máis modesto, un apuntamento de Terceira Galicia: Luis Vigo vivirá a súa quinta campaña no Catro Roldas.
E non nos olvidamos das categorías superiores. Os nosos equipos da Terceira RFEF móvense arreo para configurar os seus cadros de xogadores. En Vilalba aseguraron a continuidade de David Buyo. En Viveiro, fixeron o propio co atacante Adri Lombao.
Brais Vázquez deixa o CD Lugo B. Tras nove anos na estrutura do cadro albivermello (con paso intermedio pola canteira do Celta e polo As Pontes sénior), o meta de Taboada comunicou a súa saída do club.
Ademais, na Preferente, Labrada xa ten segundo adestrador para a súa aventura en Ribadeo. Juanma, antigo defensa do Castro e do propio Ribadeo, acompañará ao extécnico de Meira ou Riotorto no banco do Pepe Barrera.
No capítulo de fútbol feminino, coñecemos a baixa de Elena Pérez no PM Friol. A dianteira viguesa asina polo equipo de moda: As Celtas. No tocante ao fútbol base, Luis Romay deixa a un lado o balompé sénior. O antigo preparador do Cospeito dirixirá aos xuvenís do CD Castro.
