Comezamos con novas no Racing Vilalbés. O conxunto chairego renova a Vérez, un dos capitáns, e refórzase coas chegadas do dianteiro Christian, con pasado no Polvorín ou Bergantiños, así como do extremo Isaac, que vén de completar unha gran temporada no Silva, onde afrontou o seu primeiro ano sénior logo de formarse na base do Racing de Ferrol.
No Polvorín causa baixa o naviego Jesús Fernández, xogador que gozou de minutos na Segunda División co CD Lugo. Tamén sae do filial albivermello Iago Novo, recente fichaxe do Langreo. O Viveiro, tal e como adiantou La Voz de Galicia, refórzase co lateral zurdo madrileño Gamarra, procedente do Móstoles. Na Terceira RFEF seguirá o soberino Ramón, recentemente proclamado campión da copa das rexións UEFA. Según adiantou Non Vale Furar e vén de confirmar La Voz de Galicia, o gardameta formará parte do cadro de xogadores do Arteixo.
Na Preferente, o Ribadeo comeza a darlle forma ao novo proxecto que volverá a liderar Dani Moirón. Chegan ao Pepe Barrera o defensa Álex Vázquez ‘Guntín‘ formado na canteira do CD Lugo, procedente do Somozas, así como o atacante Diego Ferreiro, que chega desde a Sarriana, logo de comezar a temporada no filial do Racing Vilalbés. Conta con experiencia na Preferente nas filas do Santaballés. O Lemos asinou a Brais Pardo, procedente do Chantada Atlético e a Iker Díaz, que chega desde o Escairón. O Castro confirmou a renovación de Juanma, que seguirá un ano máis ás ordes de Rafa Casanova. O veterán zagueiro competirá por un posto con Dani Montes, nova fichaxe dos chairegos, procedente do As Pontes.
O Escairón asinou ao dianteiro Rucho, procedente do Atlético Arnoia, e renovou a Marcos Macía, Álex Antonio, Jairo, Rubén Cidre, Félix, Denis, Julito, Maki, Pandiani, Marzán, Rubén Díaz e Arias. No Burela, Luchi renova unha temporada máis como adestrador do conxunto verde. Xunto a él, como segundo, estará Donato, que chega desde a base do Ribadeo. Marrube, logo de desempeñar unha gran labor, será o adestrador dun conxunto da base, ademáis de desenrolar outras labores directivas. O gardameta Juanmi continuará no Meira a vindeira campaña. O Xove Lago asinou a Dani Celeiro, que volve ao club logo do seu paso pola canteiro do Deportivo e do Oza.
O dianteiro Dani Roca retorna ao Friol, logo do seu periplo no Pol. David Otero renova no Cabreiros e Chungui fai o propio no Xermade. Refórzsase o Monterroso coa fichaxe do diantieiro Lucas Pardo, procedente do Portomarín. O Lemos B refórzase con varios xogadores procedentes do Calasancio. Son o gardameta Álex, o central Vilariño, o lateral polivalente César e o extremo Brais Álvarez. O Mondoñedo anunciou a baixa de Javi Álvarez.
O Celta Barreiros renovou a Isma, Rubén, Miguel Casanova e Joao, mentres que a Comercial B tamén anunciou a continuidade de Álvaro, Cadete e Torito. No banquiño do Racing Vilalbés B continuará Iván Lamas, logo de acadar o ascenso a Segunda no primeiro ano de vida do filial. Geri, Toño, Iván e Víctor seguirán a vindeira temporada no Rubián.
