Os movementos no mercado non paran nin en fin de semana, polo que a edición de hoxe ven bastante cargada. Comezamos pola Preferente, cun CD Castro que anunciou os seus amistosos de pretemporada. O sábado 29 de xullo disputarán un triangular contra Polvorín e Outeiro en Cospeito, e o 2 de agosto enfrontaránse ao Páramo. Unha semana despois, o día 9, os de Castro visitarán ao Muimenta. Por último, o día 15 poderemos disfrutar dun Meira-Castro, e o día 18 rematará a preparación dos da Terra Chá, nun bonito choque ante o Foz.

Na Segunda, o Castroverde está a buscar novo míster tras a marcha de Fran Veiga. Ademáis, cinco habituais no once titular este ano como foron Rois, Antón, Javi, Diego e Gabi, deixan o equipo. A búsqueda de novo adestrador e novos xogadores correrá a cargo da mesma directiva que logrou o ascenso, xa que todos os integrantes renovaron nunha asamblea que tivo lugar o pasado mércores.

Nico seguirá como adestrador no Iberia CF.

Tamén na Segunda, un dos equipos que chega con máis novidades é o Iberia CF, que anunciou nova presidenta, Noela Fernández Soto, quen substituirá no cargo a Jesús Otero “Valea”, novo vicepresidente. O clube da Mariña, ademáis, anunciou sendas renovacións, tanto a de Nico como adestrador -cumprindo así a súa terceira campaña á fronte do equipo- como as do 80% do plantel.

Hai varias baixas confirmadas nos branquiazuis: Dani Prieto (que será novo xogador do Ribadeo) e Piedralba (quen inicia unha nova etapa fóra da provincia, no Astur Vegadense). Tamén Carlos será baixa por motivos laboráis, e Jacobo permanecerá apartado do plantel ata que se recupere completamente dunhas molestias físicas. En canto a fichaxes, os das Valgas publicaron o regreso tras unha breve etapa no Ribadeo do seu ariete Dani Montoya.

Para rematar, contamos con novidades na Terceira, concretamente no CD Corgo. A falta de confirmacións, sabemos que un importante número de xogadores que vestiron a elástica do Sporting Lucense na 2016/2017 pasarán a defender as cores do Corgo.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 536

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.