A última fin de semana de novembro foi especial polo compromiso amosado en moitos dos campos da provincia que se sumaron á campaña «En negro contra as violencias». Non obstante, botouse en falta xente; algúns d@s que non se perdían ningún partido deixaron de alentar dende a bancada. Aínda que de seguro o seguirán facendo aló onde estean porque como dixo Javi Regueiro no seu twitter, «isto é fútbol».
A xornada na provincia veu marcada, en parte, polo encontro que xogaron os dous representantes lucenses da Primeira Galega fem e que rematou cun empate a tres goles no Castro Seoane. Un punto que lles permite aos dous equipos seguir sumando na súa loita por manter a categoría. O Antas e a Milagrosa amosaron a súa repulsa á violencia machista e, como en moitos outros campos da provincia, sumáronse á campaña «En negro contra as violencias». Dous dos equipos que máis están facendo polo fútbol feminino na provincia nos últimos anos exemplifican que unha das armas para combater a violencia machista é a formación e o deporte.
Ver esta publicación en Instagram
A semana pasada foi de despedidas en algúns dos equipos da provincia que perderon a uns incondicionais que non faltaban á súa cita coa bancada. No Iberia marchou Carlos, no Sober Emilia e no Muimenta perderon a Pepe. Xente que aportou o seu para manter viva a ilusión por unhas cores e por un deporte. Que a terra lles sexa leve.
Seguro que Carlos, Emilia e Pepe desfrutaron moito do fútbol provincial e dos seus protagonistas. E querémolo seguir facendo porque ten algo que o fai especial. Rematamos cunha reflexión desta fin de semana do xogador do Fonsagrada, Javi Regueiro. Non temos nada que engadir, unicamente aplaudir.
Hoxe xogamos contra a @SDCazas . Houbo disputas, golpes, peleas … acabou o partido e tomei unha cerveza co 10 deles.. esto é FÚTBOL @futbolinlugo punto.
— Javi Regueiro (@javiregueiro) November 25, 2018
