O cadro dirixido por Simón Lamas, pese aos seus bos números, aínda non gañou ningún partido na casa. Santomé considerou que «moitas veces o fútbol é caprichoso. Estamos facendo bos partidos na casa e fóra dela, por exemplo o outro día contra o Ourense dominamos gran parte do choque, pero están escapando as victorias. Falta esa pizquiña de sorte«.

O gardamallas, con experiencia na Segunda División ‘B’, chegou a Vilalba ao comezo da 22/23 e, desde entón, asegura que «no ano e medio que levo aquí estou sendo moi feliz. Síntome moi valorado por compañeiros, corpo técnico, xente do club… e penso que iso fai que as cousas vaian moi ben no campo.» Con respecto á categoría, o madrileño pensa que «o nivel actual da Segunda RFEF é similar ou incluso superior ao da antiga Segunda ‘B’: Compos, Pontevedra, Avilés, Zamora… e os equipos dun perfil máis baixo coma o noso estamos moi traballados, o que fai que os partidos sexan moi serios, intensos, decídense por detalles… Hai moita igualdade e moito nivel«.

Alén de todo iso, Álex Santomé foi nominado o pasado mércores ao premio de Mellor Porteiro que entrega Goals Media. O futbolista mantense cauto con respecto ás súas opcións de ser premidado, e pensa que «o premio xa é estar nominado. Estar entre os tres mellores porteiros da Terceira RFEF xa é un privilexio e un premio a todo o traballo do curso pasado«.

O programa enteiro pode ser escoitado premendo nesta ligazón.