A covid marca o inicio do ano na 2ª e o Meira e o Becerreá aproveitan para distanciarse

A metade dos partidos previstos para a primeira fin de semana de competición do 2022 na Segunda Rexional non se xogaron. Oito encontros foron aprazados e teñen como causa común a covid. O grupo 2A da provincia foi o único que completou a xornada. Nel o Becerreá aproveitou para seguir exercendo de líder.

Luca´s Grill
Moreno´s Pizza

Ao xogarse só a metade dos encontros, os Onces Futbolinlugo quédanse nun só, xuntando zona norte e zona sur. Os porteiros son os grandes perxudicados desta situación xa que varios fixeron méritos para saír representados.

Na zona norte, grupo 1A, houbo dous xogados e dous suspendidos. Puidose desputar o partido Fisioterapia Ronda da xornada. O Cabreiros e o Sanci igualaron a un gol en territorio xermadés. O equipo preparado por Abel Rochela continúa na cabeza e a diferenza cos de Jaime Méndez (4º) queda en sete puntos. Ademais o Cabreiros asegurou o gol average.

O outro duelo xogouse intensamente no Viñas da Veiga. O Iberia derrotou ao Mondoñedo por un resultado axustado. Marcos García Bao ‘Balbón’ foi un dos grandes destacados do xogo. Autor dun gol de penalti, xusto antes de realizar esta semana o preoperatorio para ser intervido nun xeonllo.

De penalti tamén tivo a opción de empatar o Mondoñedo, pero o gardamallas Javi detivo a pena máxima. Non atinou coa portería rival, pero Ángel foi un dos protagonistas por parte do cadro mindoniense. O club de Reinante consolídase nos primeiros postos e o Mondoñedo continúa competindo no seu afán de sumar de xeito máis regular.

Non se xogaron o Celta Barreiros – Roupar e o Xermade – Candelaria.

Na zona norte, grupo 1B, só se xogou o Meira 2-0 Goiriz. O séptimo triunfo da tempada, cos goles de Iago e Alberte, permítelle o conxunto meirego ter un marxe de dez puntos co Cospeito (un partido menos).

O resto de posicións están moi igualadas neste grupo polo que os partidos aprazados son de suma importancia. Non se xogaron o Fonsagrada – Cospeito, o Muimenta – Matela nin o Abadín – Guitiriz.

Na zona sur, grupo 2A, a SD Becerreá segue asentando o seu liderado. Conseguiu a sétima vitoria do curso ante o Sporting Lucense. O dianteiro Xairo volveu marcar un dobrete e con dez goles encabeza a táboa de goleadores.

Na segunda posición sitúase o Paradela que logrou os tres puntos in extremis ante o Palas. Os pupilos preparados por Rubén Bergantiños realizaron unha boa entrada de partido e marcaron dous goles de vantaxe. O Palas fixo dano nas transicións e tamén a balón parado e conseguiu igualar o duelo. Nos intres finais Carba de falta deulle os tres puntos aos seus.

O Páramo é 3º con tres puntos de marxe sobre o Antas (5º) que foi o seu rival desta xornada. Empataron a un gol e seguen metidos na pelexa. Por abaixo, o Santa Comba derrotou ao Corgo co que empata na clasificación. Yeyu rendiu a un moi bo nivel nos locais baixo paus, a pesar do resultado amplo que lograron os sues. Ambos equipos con oito puntos están a catro puntos da zona de privilexio. Esta xornada descansou a Milagrosa.

Na zona sur, grupo 2B, tamén só se xogou un encontro. O Bóveda foi quen de derrotar ao Brollón e achegarse precisamente ao seu rival na clasificación. Ambos están fóra dos catro primeiros pero moi preto deses postos.

O líder do grupo segue sendo un Ferreira que non disputou o seu duelo co Chantada B. Tampouco se xogaron o Oural – Río Sil nin o Quiroga – Incio.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 528

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.