O derbi da Preferente tivo un claro dominador: o Polvorín, que xa deixou o encontro sentenciado antes do descanso. Os de José Durán demostraron ante o Viveiro a súa candidatura ao ascenso. Jhon Cuadretti volveu marcar dous tantos. O outro equipo lucense que gañou foi o Ribadeo, no feudo do Estudiantil. Remontada incluída nos últimos vinte minutos.

Despois só podemos rescatar o empate do Outeiro de Rei ante o invicto Arzúa e o da Residencia ante o potente Paiosaco. Con gol de Mauro no minuto 98. O resto de novas non foron nada alentadoras. O Castro cedeu por 0-3 ante o As Pontes, o Atlético Escairón perdeu no campo do Xallas e o Racing Villalbés encaixou un contundente 4-0 ante o Barco na Terceira.