Seguimos debullando o acontcido nas II Xornadas Futbolinlugo que tiveron lugar o pasado día 1 de novembro de 2021. Se onte era o turno do pastoricense Fiz Rodríguez, hoxé tócalle a Yago Iglesias, actual adestrador do Zamora, e que repetiu presenza no auditoría burelao, xa que, tamén fora partícipe da primeira edición das nosas xornadas.

Moi relacionada coa ponencia de Fiz estivo a do compostelán, xa que ambos formaron un bo tándem na SD Compostela como primeiro e segundo adestrador. Yago Iglesias titulou a súa intervención ‘Plan de partido. Estratexia operativa en función do rival‘.

Logo do análise do rival realizado por Fiz Rodríguez, o primeiro adestrador debullou ‘o que a xente non ve’, que non é outra cousa que o traballo semanal dun corpo técnico, neste caso o da SD Compostela. Unha labor de moitas horas que merece ser posta en valor.

Premede na seguinte ligazón para ver a ponencia completa de Yago Iglesias.