O fútbol lucense é tan grande que ata exporta talentos. Un bo número de xogadores da provincia desfrutan xogando o fútbol na Terceira Divsión en equipos do resto de Galicia. Algúns deles con papeis importantes no seus equipos e sendo referentes na categoría. Na categoría onde tan só dous dos vinte equipos que compoñen o grupo son lucenses (RC Vilalbés e Castro) contamos con ata dez lugueses compiten na Terceira.

Nun dos históricos do fútbol galego, a SD Compostela hai tres lucenses. Eran catro pero coa marcha de Manu Cedrón cara o Castro, quedan Alberto Lamas “Make”, Diego Rey e Santi Gegunde. Make fichou no Compos no pasado verán procedente do Vilalbés, foi un fixo no primeiro tramo de liga nas aliñacións de Yago Iglesias pero pouco a pouco foi perdendo peso no equipo titular. Diego Rey é un fixo nas aliñacións do exadestrador do Noia, o interior esquerdo é chave no xogo do Compos. Tamén é dos seguros, o dianteiro Santi Gegunde que despois dunha lesión nos meses de outono xa volveu ó equipo titular.

Outro dos equipos con presenza lucense é o Cerceda. Un dos equipos míticos nos últimos anos da categoría que case sempre está pelexando por ascender pero de momento non foi quen de cumprir o soño de xogar na Segunda B. O porteiro titular é de Lugo, Marcos Valín e o dianteiro, tamén Uxío Dapena. De feito, Uxío é nestes momentos o máximo goleador da competición con 17 goles.

No Bergantiños de Carballo tamén hai dous lucenses e os dous centrais. Un deles de Vilalba, Roberto Prieto cun amplo currículum na categoría no Racing Vilalbés entre outros equipos. Fai de veterán o lado do monfortino Iago López, unha das grandes promesas do fútbol lucense.

Michi Leal segue sendo o pulmón do Silva. Pasan os anos, pero o vilalbés segue sendo o verdadeiro timón do conxunto adestrado por Javi Bardanca. Alberto Suárez complementa o medio campo do Choco, a revelación da categoría nos dous últimos anos. Aínda que este ano non está sendo o mellor do conxunto de Redondela, Suárez está tendo protagonismo no equipo. Por último, David Rodríguez deixou o Ribadeo para continuar na categoría e marchar o Ribadumia. Alí, o dianteiro de Foz está a sombra dun dos mellores goleadores galegos de sempre, Changui. David dispuxo de minutos debido a lesión deste último pero non tivo toda a sorte necesaria de cara o gol.

Lucenses que espallan o noso fútbol por todo Galicia. Algún precisan marchar para buscarse e facer a súa carreira. O máis importante, que nunca esquezan de onde veñen.

Comparte

Sobre o autor Ver todos os posts

Iván Calaza

Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Deixa un Comentario

O teu Email non se publicará. Cubre os campos requeridos*