Javi Liz co seu último equipo, As Pontes. AMIGUS

Prometo que vai ser unha anécdota simpática. Toca remontarse ao remate da época de xuvenís. Saía do Lugo e o típico, tocaba afondar no mercado de fichaxes. Non tiña equipo e había xente chamando. Un deles foi Fiz Rodríguez, actual técnico de scouting do Compostela, que por aquelas adestraba ao Pastoricense.

Javi Liz, nunha das súas etapas de albivermello. ENDIE DOARÚA

Telefoneou e miramos de quedar para ver se me incorporaba ao seu conxunto. Quedamos na Bríos, unha cafetería preto do campo do Polvorín. Eu non o coñecía daquelas pero tiña na cabeza unha persoa. Pensaba saber quen era.

Quedamos despois de comer, eu aparecín primeiro. E vin nunha mesa ao que eu recoñecía como Fiz cunha rapaza. E dixen: «Ola boas, que tal? Como estamos?». Collín unha cadeira e sentei con eles. A verdade e que quedaron sorprendidos.

Dixen para min mesmo: «Agardarei a que rematen e irase a moza». Eu esperaba mentres eles se miraban pensando que lerias facía eu alí no medio daquela parella. Chegado o momento, aquela persoa que eu pensaba que era Fiz, espetoume:

-Javi, ti con quen quedache?

Jod… Fiz, quedei contigo.

-Non son Fiz, eu son Freire (antigo adestrador de base do Polvorín).

Levanteime, sen saber onde meterme, e pedín perdón. Sorte que el me coñecía. Despois xa chegou Fiz e aí quedou a cousa. Co paso dos anos, Fiz e eu recordamos esta anécdota. E rímonos ao facelos como amigos que agora somos. O Fiz de verdade máis eu.

Javi Liz Arias. Porteiro de traxectoria no noso fútbol. Actual gardamallas da Sarriana.

Comparte

Sobre o autor Ver todos os posts

Diego Díaz Martínez

Diego Díaz Martínez

Polivalente hiperactivo. Enfermo do "balompié". Só estás a un mal día de ser coma min.

Deixa un Comentario

O teu Email non se publicará. Cubre os campos requeridos*