Hoxe, sábado, o Arde Lvcvs non é a única cita ineludible na provincia de Lugo. Pretiño da capital, no Arturo Pereiro de Castro, a SD Chantada e o Taboada CF disputarán o título de Copa. Ambos conxuntos procurarán poñer o broche de ouro a unha temporada excelsa: os de Traste estiveron a piques de engancharse á promoción de ascenso e os de Martín Murado mantiveron a categoría con creces.

A SD Chantada, ademais, quere redimirse do subcampionato do curso pasado (venceu o Escairón). Para logralo, vén de deixar atrás ao Guntín (a penaltis), Outeiro de Rei, San Lázaro e Milagrosa (tamén desde os once metros). Os branquiazuis, pola súa banda, superaron a Lourenzá, Pol, Chantada Atlético e Monterroso (en penaltis). Agora, ambos equipos chegan a Castro coas máximas ambición e ilusión.

Ademais do preparador, Traste, no cadro chantadino sobresaiu Xende. O atacante recoñeceu que «a final de Copa».

O adestrador, pola súa banda, afirmou que «é un partido máis de controlar as emocións e ser estable mentalmente para afrontar os distintos momentos do partido que de algunha chave táctica en concreto. Porén, teremos que estar atentos para evitar as transicións do rival e o seu balón parado».