O Antas feminino consolídase cada vez máis no liderado no grupo 2 da Segunda Galicia, agora con dous puntos de ventaxa co segundo clasificado, o Valadares. As xogadoras que dirixe Daniel Abelairas están completando unha tempada para o recordo onde consolidaron un bloque que destaca pola súa capacidade defensiva, sendo o mellor equipo nesta tarefa en ambos grupos da competición con só dez goles encaixados.

Líderes dunha liga moi axustada

Ten moito mérito a consolidación do Antas no primeiro posto da competición cos poucos puntos que hai de marxe entre os equipos da cabeza. As lucenses chegaron a ter cinco puntos de vantaxe, inda que unha derrota ante o Vilalonga B axustou o liderado a só dous. Inda así, son cinco os equipos que están a cinco ou menos puntos pelexando polo ascenso: Vilalonga a dous, San Roque Casablanca e Arenteiro a tres e a cinco o Vilalonga B.

Algo que xoga a favor do Antas é que o seu historial ante os equipos da zona alta. Gañoulle o ‘average‘ particular tanto ao Vilalonga B coma ao Rosalía, equipo que se descolgou un pouco da loita tras perder na última xornada ante o conxunto lucense por 0-2 cos goles de Jenny e Nuria. A victoria co San Roque Casablanca por 3-0 para pechar a primeira volta deulle unha gran vantaxe con ese equipo. Ante Arenteiro e Valadares colleitaron empates que van deixar todo por decidir de cara ao final de tempada cos encontros ante ambos equipos seguidos no mes de marzo.

O Antas, un muro defensivo

É de destacar o gran momento que vive o Antas no apartado defensivo. O grupo de xogadoras que dirixe Daniel Abelairas son o equipo menos goles encaixa de ambos grupos da Segunda Galicia. De feito, dos últimos cinco partidos que se disputaron, só encaixaron gol nun, inda que rematou en derrota por 2-3. Tamén tiveron unha gran xeira de resultados ao comezo da tempada na cal non encaixron en tres dos catro encontros de apertura.