Os irmáns Vilariño son pezas fundamentais da Sarriana, que está a tan só tres puntos de certificar a súa presencia na fase de ascenso á Segunda RFEF, un fito histórico para a vila. O máis novo, Jacobo, anotou o primeiro gol dos seus o pasado mércores en Arteixo, nun duelo que rematou 0-2 a prol do cadro lucense.
O mediocentro da Pobra de san Xiao atendeu os micros do Ser Deportivos Lugo, onde foi preguntado acerca da temporada do seu equipo por Álex Gato e Marcos Fernández. O audio completo podedes escoitalo aquí.
A victoria en Arteixo . «É un soño. Estar loitando por entrar no playoff no primeiro ano da Sarriana en Terceira é un soño.»
Os altibaixos do equipo. «Houbo un tramo de temporada no que estivemos mal, cansos, porque queriamos chegar ao tramo final da temporada en gran forma, como se está vendo. Para min é un acerto do noso preparador físico Héctor e de todo o corpo técnico.»
A Sarriana está xogando a primeira temporada da súa historia na terceira rfef.
O derbi deste domingo ante o Viveiro. «Os derbis sempre son difíciles, máis se cabe contra un equipo de Alberto, moi ben traballado a nivel táctico. Son tres puntos vitais para os dous equipos.»
O seu estado de ánimo e o seu teito futbolístico. «Estou moi cómodo aquí: o meu irmán no vestiario, o meu pai na directiva, xogo con amigos de toda a vida como Javi Liz, Diego Rey, Pablo Rey… Compartín moitas cousas con eles e estou moi feliz coa miña vida agora.»
