[themoneytizer id=”15360-1″]

Vinte e tres anos fai que cheguei a este gran club. Podo dicir que foi de rebote, xa que un venres á noite xogando ao fútbol sala na Liga local de Castro; foi José Luis Tellado (Panadeira), por aquel entón adestrador da S.D. Pol e a día de hoxe noso presidente, ía ver a un xogador para levalo para Pol. E acabou levándome a min.

Moitos anos no mesmo equipo defendendo o mesmo escudo, nos cales me tocou saber o duro e complicado que é ter un equipo de fútbol nun pobo pequeno como Mosteiro (Pol). Xa que algún destes anos estiven na directiva.

[themoneytizer id=”15360-2″]

Este deporte chamado fútbol deume momentos que nunca na vida olvidarei. Deume amigos e a posibilidade de coñecer grandes persoas e sobre todo grandes compañeiros de vestiarios. Aos meus anos teño tanta ilusión ou quizais máis que cando empecei (aínda que as pernas xa non responden igual).

Na tempada pasada axudei a lograr que a S.D. Pol volvera á Primeira Rexional moitos anos despois da sua última estancia. E volver a disfrutar esta tempada do fútbol provincial con xente que é referencia provincial como Don Iván González. Unha Primeira Rexional na cal hai equipos de renome que chegaron a estar en categorías moito máis arriba. Noto un cambio moi grande do fútbol de cando eu comecei ao fútbol actual. Porén sigue sendo fútbol e os afeccionados que amamos este deporte disfrutámolo igual.

Esta tempada a S.D Pol cumplirá o seu corenta aniversario. Ogallá poidamos disfrutar deste deporte e deste gran equipo polo menos outros corenta. E como non, co equipo asentado nesta categoría. A pesares de ser moi dura creo que hai moito equipo para lograr este obxectivo.

Para rematar, quero animar á xuventude a que se sume para arrimar o ombreiro. E que sigan practicando este deporte neste gran concello como é o de Pol. Pol ten que ser un referente no fútbol provincial.

José Luis Ferreirós. Gran capitán do Pol

[themoneytizer id=”15360-28″]
[themoneytizer id=”15360-16″]
Comparte

Sobre o autor Ver todos os posts

Diego Díaz Martínez

Diego Díaz Martínez

Polivalente hiperactivo. Enfermo do "balompié". Só estás a un mal día de ser coma min.

Deixa un Comentario

O teu Email non se publicará. Cubre os campos requeridos*