Nin o sábado descansa o mercado. As novas sucéndense nunha provincia na que todos os clubes queren completar un curso positivo e na que os futbolistas tamén procurarán os seus obxectivos persoais. É o caso de Azael, que dá o salto á Primeira RFEF. O Racing de Ferrol fíxose cos servizos do canteirán de Lugo e Racing Villalbés logo do seu extraordinario curso en Sarria. Na Ribela continúa outro dos destacados da 24/25: Álex Boedo.

O mercado non da tregua

Na Primeira Futgal, a Residencia mantén o seu proxecto coa continuidade dos seus capitáns: Diego Bravos, o ‘All Star’ Chiqui, Tebi, Adrián Rasilla, Dani Renda seguen no cadro branquiazul. Tamén renovan Borja, Permuy, Artai, Rois, Manu, Xabi, Javi Calderón e Nico.

A zona norte móstrase especialmente activa hoxe. O Alfoz faise cos servizos de Soto, que suma o cadro mariñán á súa traxectoria. Ademais, o Meira ficha a Bravo, que chega desde o Riotorto. Na Terceira, o vilalbés Rafa renova no Catro Roldas; os mediocentros Kike e Pablo continúan no Roupar e Chupi cumprirá a súa sexta temporada no Abadín.

Cara o sur, o capitán David Cabado renova no Corgo e reaparecerá logo da súa longa lesión. Ademais, Iago Aira cambia o Lemos ‘B’ polo Sober. Outra das bombas do mercado é a sección feminina do San Roque, que salirá a competir de novo.