Comezamos a última fin de semana de agosto cun mercado ben cargadiño. E o que non o crea, que se achegue á Medela. Alí, o contrastado Valigol renova no Relámpago un curso máis. O de Monterroso continuará xogando na vila veciña, ao igual que o farán Brian, Nahuel, Santi e Adán, que competirán coas cores do Taboada ‘B’.

O mercado saca a ruchi da ribela

Na Ribela, Ruchi causa baixa na Sarriana. O defensor de Becerreá deixa o equipo dirixido por Jaime Paz logo de catro anos no club. Outro conxunto de moda nos últimos tempos é a Milagrosa. Os de Frigsa competirán na Primeira Futgal, pero no grupo de Vigo, que se prevé moi competido. Así, o dianteiro Alberte retorna ao Gorgoso para dar un salto á mordente ofensiva do equipo.

No fútbol feminino, o CD Lugo B incorpora a Mónica e renova á dianteira Ánxela e á defensa salmantina Bárbara. Pola contra, Andrea Orol e Marta Álvarez abandonan a disciplina albivermella para enrolarse no Bergantiños FC.