Con este número tan futboleiro (4-3-3) comezamos un novo diario. A Sarriana perde o talento de Pablo Rey, mentres que o seu curmán Diego sí continúa na Ribela. Tamén competirá un ano máis na Terceira RFEF o mediocentro de San Cibrao Pablo Martínez. Será de novo co filial do CD Lugo, logo da súa renovación cos albivermellos.

De novo o xermade con presencia no diario

Os chairegos anunciaron a renovación de Mario Fraga ‘Fraguita’, que chegara ao equipo no mercado invernal. Pola súa banda, o Brollón renova ao seu capitán Miguel e o Sporting Pontenova di adeus a Borja Lombardero. Un dos xogadores referencia para os da Mina deixa o club para enrolarse no Real Tapia, que adestra o lucense José Manuel. Cos da Pontenova, porén, continúa Óscar.

O Mondoñedo aposta pola renovación de parte importante do cadro: o gardamallas Adri, os defensores Chachi e Iff e os atacantes Javi e Oli seguen no Viñas da Veiga. No Matela renovan Josito e Bruno, aínda que Nacho deixa o conxunto de Outeiro de Rei.