Abofé que o mercado se move. Un día máis, as novidades máis frescas do fútbol provincial. Por exemplo, o retorno de Manu Buide ao CD Lugo logo do seu paso polo Celta. O defensor xogará no filial albivermello, ao igual que Jorge Maceira. En outro filial tamén xogará o gardamallas Duarte, que regresa ao Racing Villalbés logo do seu paso polo Pol. E xunto a Vilalba, o Santaballés renova a Josiño e a Manu.
o mercado dA Mariña tamén se move
Finalmente, o Xove Lago sairá a competir. O cadro anunciou ao seu novo adestrador, Santi Silvar. Os seus veciños de Burela contarán un ano máis no verde co seu presidente e segundo capitán Jairo e co seu capitán Simón. Ademais, o Pastoricense renova ao seu adestrador Basi logo de acadar o ascenso á Primeira. Os do Acebreiro manteñen o núcleo do cadro que logrou o salto de categoría e incorporan ao gardamallas Fer Gayoso e a Pablo González ‘Bluski’.
Outra das bombas de hoxe é a fichaxe de Pablo Vivero polo CD Castro. O director deportivo do Villalbés continuará xogando ao fútbol aos seus 44 anos e enfrontarase ao filial chairego na liga regular. Na Segunda, o Xermade renova ao dianteiro Hossu e o Brollón ao central Anxo.
Por último, o Mondoñedo perde a Karro, Barreira e Bruno, mentres que o Abadín renova ao porteiro Cris e o Catro Roldas incorpora a Jaime Pernas, que xogará no club da súa terra.
