O mercado non para. Comezamos este novo diario coa mellor xogadora da provincia. Lucía Pardo deixa o Madrid CFF logo de tres anos na capital. Tras comezar no filial, a de Outeiro rapidamente chegou ao primeiro equipo e inscribiu o seu nome na historia do fútbol feminino tras ser a primeira goleadaora na temporada 2022/2023, primeira campaña na que a liga foi profesional.
O Racing Vilalbés non poderá contar co extremo Álex Pérez, logo de dúas temporadas na que resultou un dos futbolistas máis importantes do conxunto chairego.
O Ribadeo oficializou as renovacións de Simón e Diego Ferreiro. Ámbolos dous cumprirán a súa segunda temporada no Pepe Barrera. O Lemos anunciou a contratación do ourensán Luis González. Con pasado no Barbadás e na UD Ourense, procede do Chantada Atlético, onde xogou as dúas últimas temporadas. Adri Armesto, Sergio Seijas, Panizo e o xogador All Star Adrián Carrasco renovan no conxunto monfortino. No Pol non continaurá Fernandito, que anunciou a saída do club tras acadar un histórico ascenso a Preferente.
Dumi, histórico central do Castro, con pasado no Racing Vilalbés, Foz e Ribadeo, colga as botas e farase cargo do primeiro equipo en Primeira Autonómica, que partirá co obxectivo de recuperar a categoría perdida. Co conxunto chairego continuará Noel e retornan Rulo, desde o Cospeito, e Dani Díaz desde o Outeiro En cambio, será baixa o defensa Juama, que xogará nos veteráns do Gaioso. Precisamente no Outeiro de Rei continuarán un ano máis Alberto Díaz, Iván Navia, Martín Díaz ‘Chufi’ e Samuel Seijas. O central ou mediocentro Iván non continuará nas filas do Meira.
O Iberia anunciou as renovacións de Marcos Pernas, Borja, Yáñez, Perancho, Cube e Dani Prieto. No Muimenta tamén continuarán os irmáns Xulio e Pablo, o gardameta Noche, así como Iago, Jartín e o goleador Jesús. O Sporting Pontenova asinou as fichaxes de Bruno e Pedride, procedentes da Comercial, que retornan ao club no que se formaron. Tamén xogará na Mina Jaime, con pasado na base da SD Ribadeo, Real Tapia e Astur Vegadense. Actualmente militaba no Marino de Figueiras de fútbol sala.
A pesar dos rumores, o Paradela seguirá competindo con nova directiva. Santi, ex do Santa Comba, será o novo adestrador. Ademáis continuará a gran maioría dos xogadores da pasada campaña, incluidos Albertito ou Romy. O pichichi sonaba para varios conxuntos de Primeira, pero seguirá no Gandarón. O Brollón, despois dunha gran temporada, seguirá contando con Chura como adestrador. Tamén continuarán David e Isma, este último vivirá o segundo ano nos Medos a onde chegou procedente do Río Sil. No Rubián continuará o gardameta Casillas, determinante nos últimos anos no conxunto adestrado por Senén López.
