É un diario especial. Chegamos aos 400 capítulos desta sección, que conta todas as novidades no mercado do fútbol provincial, sen deixar a ninguén olvidado. Como non van olvidar na Veiga do Olmo a Fran Veiga, que deixa de adestrar ao Castroverde por motivos familiares.

E tampouco a Cora no Goiriz. O preparador deixará de adestrar aos chairegos despois de 14 anos como técnico, aínda que seguirá vinculado ao club. O novo adestrador do Ventiño será Veiga, que comezara a 22/23 dirixindo ao Muimenta. Tampouco seguirá Isra no Mondoñedo.

O mercado estivo moi vivo en vilalba. contámolo no diario

Por outra banda, xa está cuberta a vacante de Simón Lamas no Racing Villalbés: Alberto López chega á Magdalena para dar continuidade ao bo momento histórico dos chairegos. O ex do Viveiro contará cos capitáns López e Make sobre o verde, que renovan. Porén, Ibra e Torrado, que finaliza a súa cesión, deixan o club.

Tamén hai movementos no sur da provincia: Aissa é a primeira renovación do Club Lemos, mentres que Ruboi seguirá como adestrador do Incio Terra Brava.