A última xornada deixou na Primeira Futgal xa as primeiras situacións definidas de cara á fin de tempada. A vitoria do Burela e a do Castro ante a Residencia na Cheda deixa a primeira bola de partido para o conxunto mariñán de cara a conseguir o campionato de liga. O Chantada tamén esta invitado na loita polo playoff cos dous equipos que xogaron en Lugo entre eles, mentres que a zona baixa inda ten dous postos de descenso por decidir.

O Burela pode ser campión da Primeira Futgal xa

O Burela está preto de certificar o seu ascenso á Preferente da vindeira tempada de forma matemática. A derrota por 0-3 na Cheda da Residencia ante o Castro fai que o conxunto mariñán teña opcións de alzar o título ante o Racing Vilalbés B este domingo ás 17.00 horas. Todo pasará polo Luis Pallín, onde o Oural recibe á Residencia. Se os de Jorge ‘Negrete’ son capaces de sacarlle puntos aos de Rafa Casanova fará que a vitoria e incluso o empate se o Oural gaña faga campión aos mariñáns.

Residencia e Castro teñen inda unha loita aberta pola promoción de ascenso da Primeira Futgal na que está o Chantada tamén dentro. Os lucenses teñen vantaxe con 69 puntos, mentres que os chairegos suman 67 e os da Ribeira Sacra 65. Só dous accederán ao playoff e os calendarios teñen unha dificultade semellante para os tres, xa que na maior parte dos casos os seus rivais teñen todos os deberes feitos de cara aos últimos encontros de liga.

O descenso promete drama ata o final

Mentres catro equipos poden avanzar á Preferente, catro son tamén os que farán todo o posible no pouco que queda de curso para certificar a súa presenza un ano máis na Primeira Futgal. Hai un deles que, inda que mantén opcións matemáticas de salvar a categoría, está virtualmente descendido. O empate do Meira ante o Pastoricense deixa aos primeiros a sete puntos do Oural, que marca a permanencia, con nove puntos por xogar. A permanencia pasa por gañar todo e esperar que o resto falle.