Xa temos finalistas da XXXVIII Copa Deputación. O Antas e o Lugo xogarán a gran final este próximo domingo na Ribela.

O cadro de Dani Abelairas e Noe Pires partía como o gran favorito no Catro Ventos. Porén, o Carballedo quedouse preto da machada. A posesión foi sempre para o Antas ante un cadro local que xerou perigo ao contragolpe. De feito, nunha das primeiras aproximacións do partido; Diana Picos adiantaba ás de Iban Crespo. Xusto antes do descanso, as visitantes devolvían a igualada ao marcador tras aproveitar un erro defensivo do cadro rosa.

Na reanudación, o Carballedo tivo o segundo gol a punto de caramelo. As de Ibán Crespo fallaron a portería baleira. E como quen perdoa, a acaba pagando… A continuación, o Antas aproveito unha serie de rexeites para poñer o 1-2 no marcador. Nos últimos cinco minutos, as locais tentárono en dúas accións a balón parado. Pero o gol caeu de novo do lado do Antas, nun saque desde o curruncho.

Na outra semifinal tamén houbo máis emoción da inicialmente prevista. O inicio resultou o agardado. Dominio total e ocasións para o Lugo ante unha Milagrosa que se encomendou á súa meta Lara, que fixo un partido maiúsculo. A pelota non quixo entrar en toda a primeira metade.