O Estudiantil confirmou na súa páxina de Facebook que non renuncia a competir na Preferente Norte, polo que remata coas esperanzas que tiñan os equipos lucenses de non baixar de división. A xunta directiva, presidida por Arturo Fandiño, decidiu por maioría absoluta renunciar as pretensións iniciais de saír en Terceira Rexional e optou por continuar na categoría na que levan xogando os últimos anos.

O cadro da Estrada segue pendente de que se resolva o seu contencioso no xulgado no que reclama a súa presenza na Terceira División. Os tres puntos a favor dun encontro co Arzúa na temporada 16/17 daríanlle o ascenso. Ao inico do verán, en vistas de que a decisión xudicial podería seguir retrasándose, o Estudiantil afirmou que de non poder competir na Terceira, sairía co seu equipo sénior na Terceira Rexional. Esta posibilidade afectaba directamente ao fútbol lucense, xa que o primeiro equipo que ocuparía a súa praza en Preferente sería a Residencia. O equipo da capital da provincia rematara fóra dos postos de descenso no ano do seu regreso á división, pero viuse afectado polos arrastres.

O Matela descendeu por arrastres, despois do seu ascenso na tempada anterior conseguido en Goiriz

Ante a circunstancia de que a Residencia continuase en Preferente, outros dous equipos da provincia saían beneficiados. Por un lado o Valadouro, que tamén descendía por arrastres á Segunda Rexional e permanecería en Primeira; e polo outro o Matela, que continuaría na Segunda. Non obstante, as opcións desbaratanse deste xeito para os tres conxuntos.

Os clubs estaban agardando á Asemblea da Real Federación Galega de Fútbol, que se vai celebrar o 30 de xullo, para confirmar cal sería o seu futuro inmediato. Nas reunións previas que a Federación mantivo na Delegación de Lugo daban un tanto por cento moi alto de posibilidades de que o Estudiantil saise en Terceira Autonómica. Por outra banda, a decisión permite que a Terceira Rexional lucense quede organizada como estaba nun principio. Se non hai novidades de última hora, a SD Viveiro non sacará equipo sénior, polo que o grupo norte e o grupo sur quedarían parellos con cadanseus doce equipos.

Comparte

Sobre o autor Ver todos os posts

Iván Calaza

Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Deixa un Comentario

O teu Email non se publicará. Cubre os campos requeridos*