O anecdotario: «Engordar en pleno partido», por Manu Cedrón

As leis da física aplicadas ao fútbol nesta divertida historia

Vou falar da miña época no fútbol base no Lugo. Seríamos infantís, cadetes… E xogaba con nós unha auténtica persoaxe. Un rapaz cunhas saídas boísimas e co que te rías moito. A que vos vou contar sempre dirá que foi unha broma. Eu dígovos que foi totalmente en serio.

Estabamos nun encontro co noso preparador físico Rodri Sangiao. Antes e despois de cada partido tiñamos que pesarnos. O curioso daquel día é que o citado compañeiro pesaba máis ao remate do encontro que ao comezo. Igual influira o feito de que o cambiaran no minuto 60. E de aí ao remate do partido ventilou unhas dúas botellas de auga no banco tranquilamente.

Cedrón co seu compañeiro Arturo. DAMIÁN AVILÉS

A el non lle cadraba e preguntoulle a Rodri.

-«Como pode ser que pese máis agora que antes co que corrín?»

-«Bebiches dúas botellas de auga».

Neste momento, xúrovos que todos agardabamos a réplica do noso compañeiro. A ver que contaba, que dicía. Subiu o nivel!

«Imos ver Rodri. Ti vesme cara de tonto? Esto pesa en gramos e eu bebín litros! Que eu sei de Física!».

Moito nos rimos. Tamén influiu que ganaramos ese partido. E asegúrovos que esta é unha aventura máis das varias que podería contar este xogador.

Manu Cedrón López. Porteiro do Viveiro, gardián de Cantarrana

Fotografía principal: Cristóbal Durán

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.