Redactor - Santi Real

Fiz Rodríguez, SD Compostela: «Necesitaba un cambio despois de tantos anos adestrando»

Levamos toda a semana publicando entrevistas e reportaxes de clubes que volven á competición esta fin de semana, en concreto conxuntos de Terceira División e os seus adestradores. Pero hai outra categoría que bota a rodar este sábado e domingo: a Segunda División B, competición que será insólita, ao presentar un formato de competición moi diferente a outros anos.  Ler máis

As novas medidas da Xunta de Galicia

A volta ás competicións é un tema que estamos a tratar de xeito recurrente nas últimas semanas. Os que queren comezar, os que non, os que xa saben que eles non competirán, os que saben que si competirán… hoxe poñemos o foco nestes últimos: os deportistas de divisións «non profesionais» de ámbito estatal. Isto é, a Segunda División «B» e a Terceira División, así como o fútbol feminino co Reto Iberdrola. Ler máis

María Monterroso, PM Friol: «O proxecto do clube convenceume para vir»

Poucas persoas poden presumir de defender as cores do seu país en compromisos internacionais. Menos aínda son as que o fan lucindo o brazalete de capitán. E incluso menos as que poden dicir todo isto con tan só 26 anos. Maria Amanda Monterroso, internacional con Guatemala e dianteira do PM Friol desde este pasado agosto, pode facer alarde de todas estas fazañas. Ler máis

O anecdotario: Cambio radical, por Marcos González

[themoneytizer id=»15360-28″

Seguramente poderia contar moitas máis anécdotas, porque o fútbol ten cousas boas e cousas malas, pero o que é certo é que podes ter historias que contar durante un par de sobremesas. A miña nesta ocasión vai ser relacionada co fútbol base, unha anécdota que sempre que coincido con Antonio Gómez a conta.

Ler máis

Luz ámbar ante o comezo das competicións

Nos últimos días falouse moito das diferentes circulares que ían chegando sobre a volta do fútbol: mascarilla obrigatoria, renuncia á mesma, tests serolóxicos… e demais novidades que trataban de facer viable o comezo da temporada futbolística. Porén, os verdadeiros protagonistas disto son os clubes e, como tales, conxuntos de todas as delegacións galegas están a decidir se sairán ou non a competir. Ler máis

A nova normalidade dos campos lucenses

O fútbol comeza a volver aos terreos de xogo. Onte anunciabamos desde a nosa web que o sábado terá lugar o primeiro partido de fútbol na provincia desde marzo (sen contar os encontros do CD Lugo): Viveiro-Racing Villalbés, en Cantarrana, ás 18:30. E con espectadores. Voltar pola porta grande. Ler máis

A II Guía Futbolinlugo, en dixital (6)

Un día máis traemos a edición dixital da II Guía Futbolinlugo, coa que lembramos os cadros de xogadores dos clubes fai un ano e, ao mesmo tempo, enchémonos de esperanza para afrontar a, canto menos, curiosa temporada 20/21. Hoxe traemos a catro clubes do fútbol feminino que competían o ano pasado na Segunda Galicia: CD Lugo, SG Comercial, Carballedo CF e SD Chantada. Ler máis

As grandes apostas do Racing Villalbés

A filosofía do Racing Villabés nos últimos anos está sendo clara: apostar pola xente da casa para formar un grupo sólido de xogadores que compitan cada domingo. Nos últimos anos, futbolistas como David Vérez ou Aitor Moreda tiveron un imporante papel na Terceira División despois de pasar toda a súa vida nas distintas categorías do conxunto chairego. Este ano, o clube volve apostar por dous rapaces recén saídos do xuvenil para afrontar a nova campaña. Eles son Anxo González (Vilalba, 2001) e David López (Lugo, 2001). Ler máis

O porvir do fútbol base lucense

Ao igual que na maioría das nosas novas de actualidade, a Covid-19 ten unha constante presenza e un desagradable protagonismo. Porén, sabemos ben que nesta nova normalidade é o que toca. E despois duns cantos meses, xa comezamos a estar afeitos a esta triste realidade. Realidade que, como non podía ser doutro modo, afecta ao fútbol base. Ler máis

Palabra de… Santi Real: «Na procura dunha solución»

A última fin de semana de agosto sempre foi tempo de expectación nos campos de fútbol. Clubes que buscaban boas sensacións para afrontar os seus obxectivos, futbolistas con gañas de impresionar aos seus técnicos, outros que trataban de ocultar a desfeita da noite do sábado no céspede, seareiros que continuaban a festa na cantina, etc.

Todos nós estamos desexando que volva o fútbol, volver a gozar co balón ou na lama, re-atoparnos con compañeiros e amigos, vivir con intensidade os adestramentos e os noventa minutos do domingo, pasar un bo terceiro tempo para celebrar ou afogar as penas… pero as cousas non van ser iguais nesta 20/21.

Este ano, ben o sabemos, será diferente. E, cando as cousas cambian, hai que mudar tamén os hábitos. Por iso, invito a todos os lectores e lectoras deste artigo a interactuaren connosco sobre o debate que será aberto en apenas unhas liñas. Previamente, gustaríame agradecer a todos os habituais da nosa web por seguir ao pé do cañón día tras día, pese a que non teñamos un partido do que falar desde fai máis de seis meses.

Estamos a vivir unha desgraciada situación sanitaria que xa nos fixo sufrir moito, pero aínda nos vai dar moita guerra. Porén, nas últimas semanas, semella que a Covid-19 pasou de ser unha inimiga común a ser unha arma política, o xogo da pataca quente que ninguén quere tocar por se queima. Este feito é aplicable aos diversos ámbitos da nosa vida, pero estamos aquí para falar de fútbol.

Nas últimas datas, as distintas federacións están a publicar novas e protocolos para volta as competicións deportivas “non-profesionais”, pero realmente non se concreta nada. Falabámolo fai pouco tempo co presidente dun clube lucense, quen dicía que a situación é insoportable: “o luns dinme que teño que empezar a traballar, o mércores que pare, o luns seguinte que volva empezar e, 24 horas despois, que volva parar”. É evidente que ninguén quere tomar decisións definitivas porque estamos ante un tema moi delicado, pero eu penso que vai sendo hora de que se concrete que vai pasar coa temporada 2020/2021, para ben ou para mal.

Por iso, abro debate entre todos aqueles que queira participar (obviamente, respetando os distintos puntos de vista), aceptando así calquera resposta que poda ser útil para resolver o problema que se cerne sobre o fútbol “amateur” e “non-profesional”. Que decisión habería que tomar con respecto ao deporte que todos nós amamos?

Competir como calquera outro ano, pero con responsabilidade. Os futbolistas deben seguir os protocolos e facer auto-test para evitar contaxios.

Suspender a temporada 20/21.

Aprazar o inicio de todas as competicións até que a situación epidemiolóxica estea máis estable.

Que tan só se disputen as competicións “non-profesionais” nas que hai xente que vive do fútbol: Segunda “B”, Terceira, Liga Iberdrola, Reto Iberdrola, etc., e suspender o resto.

Comezar o antes posible as competicións do estilo Terceira División e Reto Iberdrola e comezar en xaneiro as de índole autonómica.

Facer grupos moi reducidos para poder concluír todas as competicións no caso de que haxa paróns obrigados polos rebrotes.

Xogar igual que outros anos: o contaxio é inevitable pero hai que vivir con el.

Outra opción que teñan pensada os nosos seguidores.

Queda así aberto o debate. Se cadra, algún de vós ten a “pócima máxica” no seu cerebro e, compartíndoa con nós, chega as distintas federacións!

A incertidume do PM Friol ante o novo Reto

A Covid-19 trouxo unha morea de incertezas e de incertidume ás nosas vidas. Pero nós estamos aquí para falar, en concreto, de fútbol. Este deporte, como non podía ser doutro modo, tamén se viu alterado polo dichoso bicho. Non fai moitas semanas saían rumores de que, quizais, o fútbol «non-profesional» non comezaría até o vindeiro xaneiro, ou marzo. É evidente que a saúde é o primeiro, pero moitas voces se alzaron contra estas faladurías, posto que moitas familias viven dese fútbol «semi-profesional». Varios deses casos dánse na provincia, no seo do PM Friol. Ler máis

Diario dun mercado. Episodio 188

O suposto inicio de temporada achégase. É por iso que todos os clubes da provincia traballan de xeito frenético para dar por pechados os cadros de xogadores e os corpos técnicos. É o caso do CD Lugo, cuxo filial competirá na Terceira División un ano máis, pero por primeira vez baixo o mando de Álex Ortiz, novo adestrador tras a destitución de José Durán. No conxunto albivermello renovan Álex Rey, Óscar Castellanos “Chiqui”, Dani Vidal e Antón Escobar, aínda que algúns destes futbolistas poderían saír cedidos a un conxunto de Segunda “B” ao longo da pretemporada. Ademáis, Fidalgo, Gabarre e Guitián soben desde o xuvenil.

Tamén da Terceira División sairá unha das perlas da provincia, Iago Parga. Segundo apuntou o xornalista Rubén García no seu Twitter, o sarriano será novo xogador da Peña Deportiva Santa Eulalia tras a súa marcha do Fabril. Máis abaixo, na Primeira Galicia, o gardamallas Carlos cambia o San Roque pola UD Pastoricense.

Na Terceira Galicia, a SD Castroverde renova a dous dos xogadores máis novos do clube: Xabi Duarte, que competirá por segunda temporada no conxunto verdibranco, e Pablo Pin, quen cumprirá a súa terceira tempada na Veiga do Olmo. Tamén no fútbol base hai novidades: un dos adestradores de moda, Diego Rey, compaxinará a súa actividade na SCD San Lázaro coa preparación dos xuvenís da SD Pol.

As condicións da volta aos terreos de xogo

A Covid-19 chegou para quedarse, desgraciadamente. Xa fai varios meses que levamos adaptando distintas actividades das nosas vidas para pelexar contra esta dichosa enfermidade que nos merma. Unha desas actividades que cómpre seren adaptadas é o fútbol, polo que cada un de nós latexamos día si e día tamén. Onte, martes 4 de agosto do 2020, a Federación Galega colgaba na súa páxina web un protocolo de acción para poder desenvolver as competicións amateurs na 20/21.

Ler máis

O fútbol feminino retorna a Monforte de Lemos

O 2020 quedará por sempre nas nosas mentes. É evidente que a pandemia mundial que levamos sufrindo desde o mes de marzo supuxo diferentes retos a nivel individual e colectivo. Ao mesmo tempo, as moitas horas que pasamos nas nosas casas deron para pensar, algo que sempre é positivo. Entre todas as ideas que apareceron nesas duras semanas, unha delas destaca sobre as demais: o renacemento da ADC Monteforte. Ler máis

Palabra de… Marcos Fernández: «Xa sería tempo de amigables»

Esta fin de semana, dun ano calquera, os futboleiros máis apaixoados estariamos de noraboa, polo menos os da parte da Mariña. O Triangular da Festa dos Chóferes de Alfoz daba o pistoletazo de saída aos amigables do verán.
Logo de dous meses sen fútbol xa lograbamos matar o «gusanillo» e sobre todo volvíamos sentir esa maxia de disfrutar do ambiente do noso fútbol popular.
Falar con outros «frikis» coma ti, escoitar a algún directivo falar con orgullo dun fichaxe ou do xuvenil que este ano si dará o salto ao primeiro equipo, son eses intanxibles que che dan moita vida.
E encima estes dous últimos anos en Alfoz tamén comezaban os preparativos para a Guía do Fútbol Lucense, as primeiras fotos, os primeiros datos…..
Este verán do 2020 temos que cambiar o chip, asimilar que o coronavirus veu para quedarse e o fútbol non será o mesmo nun tempo, e moi especialmente o que máis nos gusta, o dos nosos equipos, onde xogan os nosos compañeiros, os nosos amigos ou veciños.
Vemos que o fútbol profesional, con toda a súa infraestructura, non é alleo aos problemas do Covid-19, e que as ansias de rematar as competicións, sexa como sexa, lle xogaron unha mala pasada aos seus dirixentes.
Fai tan só uns días, Negrín expresaba nesta web as súas dúbidas ao respeto da vindeira temporada. E non é para menos. A incertidume ao redor desta pandemia que nos tocou vivir é grande e non é posible facer unha previsión nin a un mes vista.
De todos é sabido que os equipos do fútbol popular non poden sobrevivir sen os seus socios, os patrocinadores que fan un esforzo grande para apoiar aos veciños, e tampouco sen os ingresos que xera a cantina cada domingo. 
Veremos se nun prazo de tempo non moi amplo se pode compaxinar todo isto e o Covid-19 nos da unha tregua.
Confiemos en que así sexa.
Marcos Fernández, redactor en Futbolinlugo e amante do fútbol popular.